Sumqayıt şəhərinin 3-cü və 5-ci mikrorayonunda suyun verilişində fasilə yaranıb.
Oxu.Az-a daxil olan məlumata əsasən, 5-ci mikrorayonda həmin fasilə dünən axşam saatlarından başlayıb.
Məsələ ilə bağlı Oxu.Az-ın sorğusuna cavab olaraq İri Şəhərlərin Birləşmiş Su Təchizatı Xidmətindən bildirilib ki, sözügedən ərazini qidalandıran içməli su xəttində qəza baş verib:
"Hazırda xəttin təmiri və bərpası istiqamətində işlər başa çatdırılıb. Suyun xətlərə dolması prosesi gedir, bir neçə saat ərzində suyun verilməsi ünvanlar üzrə bərpa ediləcək".
Qaynar xətt:
(055) 224 12 12
