"300 nəfərə yaxın insandan cəmi 26-27 nəfər xilas ola bildi. 13 yaşlı qızın ayaqları dizdən kəsildi".
Bunu Xocalı faciəsinin şahidi Səadət Zeynalova Baku TV-yə müsahibəsində deyib.
Xocalı faciəsinin şahidi: "13 yaşlı qızın ayaqlarını dizdən kəsdilər" - VİDEO
O, həmin qanlı gecədə yaşadıqları dəhşəti belə xatırlayıb:
"Tüstüsünü görərlər deyə ocaq yandıra bilmirdik. Oturanda donurduq. Yerimək lazım idi. Onda da atəş açırdılar. Bir neçə nəfər əsir düşməmək üçün özünü öldürdü. Xalamın oğlu - Milli Qəhrəman Araz Səlimov pulemyotçu idi. Özünü vurmaq üçün bir güllə saxlamışdı. Girov düşəndə xalama demişdi ki, ana, məni döysələr də, tikələsələr də, sənin oğlun olduğumu bildirmə".
