ABŞ-də ümumi doğum əmsalı (ÜDƏ) 2024-cü ildə tarixi minimuma düşərək 1.6-dan az olub.
Oxu.Az-ın məlumatına görə, bu barədə "Associated Press" agentliyi rəsmi məlumatlara istinadən bildirib.
Təqdim olunan məlumatlara görə, bu göstərici artıq təxminən iki onillikdir ki, azalır, çünki daha çox qadın uşaq doğumunu təxirə salır və ya ümumiyyətlə, bu addımdan imtina edir. Nəticədə ABŞ-nin ÜDƏ-si indi Qərbi Avropa ilə müqayisə edilə bilər.
1960-cı illərin əvvəlində ABŞ-də ümumi doğum əmsalı təxminən 3.5 idi, lakin 1976-cı ildə kəskin şəkildə 1.7-yə düşdü. Sonra tədricən 2007-ci ildə 2.1-ə qədər artdı, lakin daha sonra 2014-cü ildəki yüksəliş istisna olmaqla, yenidən azalmağa başladı. Ölkənin Milli Səhiyyə Statistikası Mərkəzinin məlumatlarına görə, 2023-cü ildə bu göstərici 1.621 olub, 2024-cü ildə isə 1.599-a düşüb.
