ABŞ-nin ən böyük pərakəndə satış şəbəkəsi olan "Walmart" ölkənin 14 ştatında tərkibində sezium izotopun olduğu təxmin edilən krevetkaları satışdan çıxaracaq.
Oxu.Az-ın xəbərinə görə, bu barədə "Axios" portalına "Walmart"ın Mətbuat Xidmətindən məlumat verilib.
ABŞ Ərzaq və Dərman İdarəsi (FDA) əvvəllər İndoneziyanın "BMS Foods" şirkəti tərəfindən istehsal edilən "Great Value" dondurulmuş krevetka partiyalarında sezium-137 aşkar edib. İzotop ABŞ-nin bir neçə limanında krevetka qablaşdırılan konteynerlərdə olub.
Potensial çirklənmiş partiyalardan olan krevetkalar Texas, Florida, Missisipi, Luiziana və Pensilvaniya da daxil olmaqla 14 ştatda satışa çıxarılıb. "Walmart" bu krevetkaları alanlara ödədikləri pulu geri qaytaracağını vəd edib və məhsulu mağazaya qaytarıb.
Qeyd edək ki, sezium-137 izotopu insanlarda xərçəng riskini artıra bilər.
