ABŞ hərbçiləri Sakit okeanın şərq hissəsində narkotik vasitələrin qanunsuz dövriyyəsində istifadə olunduğu ehtimal edilən gəmiyə zərbə endiriblər.
Oxu.Az xəbər verir ki, bu barədə ABŞ Silahlı Qüvvələrinin Cənub Komandanlığı "X" sosial şəbəkəsində məlumat yayıb.
"Kəşfiyyat məlumatları gəminin Sakit okeanın şərq hissəsində narkotik qaçaqmalçılığı ilə bağlı məlum marşrutlar üzrə hərəkət etdiyini və narkotrafik məqsədilə istifadə olunduğunu təsdiqləyib", - deyə paylaşımda bildirilib.
On May 30, at the direction of #SOUTHCOM commander Gen. Francis L. Donovan, Joint Task Force Southern Spear conducted a lethal kinetic strike on a vessel operated by Designated Terrorist Organizations. Intelligence confirmed the vessel was transiting along known narco-trafficking… pic.twitter.com/IMgQiUTPnP
— U.S. Southern Command (@Southcom) May 31, 2026
Zərbə nəticəsində üç nəfər həlak olub. ABŞ hərbçiləri arasında isə xəsarət alan olmayıb.
Pentaqonun rəhbəri Pit Heqset 2025-ci ilin noyabrında narkokartellərlə mübarizə məqsədilə "Cənub nizəsi" ("Southern Spear") əməliyyatının başladığını elan etmişdi.
