Amerikanın Yuta ştatının sabiq qubernatoru Con Hantsman ABŞ-ın Rusiyada səfiri olmağa razılaşıb.
Oxu.Az TASS-a istinadən xəbər verir ki, bu barədə dünən NBC telekanalı məlumat yayıb.
Telekanalın mənbəyinin sözlərinə görə, ABŞ administrasiyasında Hantsman Vaşinqtonun müvafiq təklifini qəbul edib. Keçən həftə sabiq qubernator dövlət katibi Reks Tillerson ilə görüşüb, o həmçinin ABŞ prezidenti Donald Trampın köməkçisi ilə də görüşüb.
Daha öncə “Politico” qəzeti ABŞ administrasiyasındakı mənbəyə istinadən həftənin əvvəlində Donlad Tramp Con Hantsmana ABŞ-ın Rusiyadakı səfiri olmağı təklif edib.
Nəşrin məlumatına görə, Hantsman Ağ evə bu vəzifəni tutmaq üçün hazır olmasına dair sənədləri göndərməlidir. Bundan sonra Vaşinqton onun səfir postuna namizədliyini elan edəcək. Daha sonra isə onun namizədliyi ABŞ Konqresinin Senatında təsdiq edilməlidir.
N.О.
www.oxu.az
