ABŞ Zelenskinin potensial varisləri kimi kimləri görür?

ABŞ hakimiyyəti Ukraynanın keçmiş prezidenti Petro Poroşenko və keçmiş baş nazir Yuliya Timoşenkonu Volodimir Zelenskinin yerinə mümkün namizədlər kimi nəzərdən keçirir.

Oxu.Az-ın xəbərinə görə, bu barədə Almaniyanın "Bild" nəşri ABŞ Mərkəzi Kəşfiyyat İdarəsinin keçmiş rəhbəri Con Brennana istinadən məlumat verib.

Brennanın sözlərinə görə, ABŞ kəşfiyyatı Ukraynanı Vaşinqtona tabe etməyə cəhd üçün siyasi məqsədlər səbəbindən fəaliyyətini dayandırıb.

"Təxminən 35 illik fəaliyyətim dövründə belə bir şey görməmişdim", - deyə o etiraf edib.

Qeyd olunub ki, ABŞ hökumətinin dörd nümayəndəsi Poroşenko və Timoşenko ilə əlaqə saxlayıb. Onlardan başqa, Zelenskinin əvəzləyicisi kimi, həmçinin Ukrayna Silahlı Qüvvələrinin keçmiş baş komandanı Valeri Zalujnı da nəzərdən keçirilir.