500-dən çox afrikalı miqrant dəyənəklərlə və daşlarla Mərakeş sərhədindən İspaniyanın Melilya anklavına hücum ediblər.
Oxu.Az ANS PRESS-ə istinadən xəbər verir ki, Mərakeş daxili işlər nazirliyinin verdiyi məlumata görə, hadisə nəticəsində 100-dən çox insan İspaniya ərazisinə girə bilib.
Rəsmi məlumatlara görə, hadisə nəticəsində 27-dən çox insan yaralanıb, onların 13-ü təhlükəsizlik xidmətinin əməkdaşı olub.
Xatırladaq ki, bir həftə öncə də Afrika miqrantları İspaniya sərhədini bu cür kütləvi keçmək üçün cəhd etmişdilər.
Qeyd edək ki, Afrika ərazisində İspaniyanın və bütünlükdə Avropa Birliyinin anklavları yalnız Melilya və Seutadır.
