Almaniyanın Düsseldorf şəhərində ənənəvi yarmarkada baş verən atəşfəşanlıq nəticəsində biri uşaq olmaqla, 19 nəfər xəsarət alıb.
Oxu.Az-ın xəbərinə görə, bu barədə "Bild" qəzeti polisə istinadən məlumat verib.
"Ənənəvi atəşfəşanlıq nümayişində ən azı bir fişəng tamaşaçıların üzərinə sıçrayaraq izdihamın ortasında partlayıb. İlkin məlumata görə, 19 nəfər yaralanıb ki, onlardan dördünün vəziyyəti ciddidir", - deyə məlumatda bildirilib.
Təşkilatçı yarmarkanı erkən bitirmək qərarına gəlib. Hadisənin dəqiq səbəbi hələlik məlum deyil, lakin polis bunun bədbəxt hadisə olduğunu ehtimal edir.
