Təyyarədə yanğın səbəbindən xarici pasportlarını itirən rusiyalılar Türkiyəyə buraxılacaqlar.
Oxu.Az bu barədə news.ru-ya istinadla xəbər verib.
Bildirilir ki, Rusiyanın Antalyadakı Baş Konsulluğu Türkiyə tərəfi, "Rosaviasiya" və "Azimuth Airlines"lə birlikdə "Sukhoi Superjet" təyyarəsində baş verən yanğın zamanı sərnişinlərə yardım göstərilməsi məsələsini işləyib hazırlayıblar.
Türkiyə öz növbəsində yanğın səbəbindən xarici pasportlarını itirən 10 rusiyalının sərhəddən keçməsi məsələsini həll edib, Baş Konsulluq bu sərnişinlərə sənədlərin bərpasında kömək edəcəyini vurğulayıb.
"Rusiyalıların bir hissəsi hava limanını uğurla tərk edib. Digərləri baqajın verilməsini gözləyirlər. Həmçinin onlar yeməklə də təmin olunublar. Rusiyaya geri qayıtmalı olan sərnişinlər ehtiyat təyyarəsi gələnə qədər mehmanxanaya yerləşdiriliblər", - deyə məlumatda əlavə edilib.
Qeyd edək ki, Antalya Hava Limanının nümayəndəsi Suat Seyitoğlu qəzaya səbəb kimi eniş zamanı təyyarənin sol mühərrik hissəsində yanğını göstərib. Nəqliyyat və İnfrastruktur Nazirliyi isə "Sukhoi Superjet"dən sərnişin və ekipaj üzvlərinin hamısının təxliyə edildiyini açıqlayıb.
"Təyyarədə olan 89 sərnişin və 6 ekipaj üzvü təhlükəsiz şəkildə təxliyə edilib. Xəsarət alan yoxdur", - deyə qurumdan vurğulanıb.
Türkiyənin Antalya vilayətinin hava limanında Rusiyaya məxsus "SSJ-100" təyyarəsi yanıb.
Oxu.Az "HavaSosyalMedya"ya istinadən xəbər verir ki, yanğın Rusiyanın Soçi şəhərindən uçan "Azimut" Hava Yollarına məxsus "Sukhoi Superjet 100-95LR" təyyarəsinin göyərtəsində baş verib.
Hadisə ilə bağlı enmə zolağı bağlanıb.
Məlumata görə, təyyarənin göyərtəsindəki 79 sərnişin təxliyə edilib.
