"2040-cı ildə, Türkiyə əsrində enerjidən asılı olmayan bir hədəflə yola çıxırıq".
Oxu.Az-ın Türkiyə KİV-ə istinadən xəbərinə görə, bu barədə ölkənin enerji və təbii sərvətlər naziri Alparslan Bayraktar "Milli enerji-2040" proqramının açılış mərasimində çıxışı zamanı bildirib:
"Bu proqramın mahiyyətini tək bir sözlə ifadə etsək, artıq Türkiyə iqtisadiyyatını elektrikləşdirəcəyik. Yəni enerji müstəqilliyinə doğru irəlilədikcə, ölkə iqtisadiyyatının hər sahəsində daha çox elektrik enerjisinin olduğu bir dünyaya gedəcəyik. Elektrikləşmə bu işin mərkəzində olacaq".
"Enerji tələbatı xərclərimizi azaltmalıyıq. Bu səbəbdən bir tərəfdən təchizat təhlükəsizliyimizi təmin edərkən, digər tərəfdən Türkiyənin xarici mənbələrdən asılılığını minimuma endirəcəyik. Türkiyənin enerji müstəqilliyini təmin edəcək siyasət aparan addımlar atacağıq", - deyə Alparslan Bayraktar əlavə edib.
