BMT Qəzza sektorunda hərbi əməliyyatlar zamanı həlak olan körpələrin sayını açıqladı

Fələstinin radikal HƏMAS hərəkatı ilə İsrail arasında ötən ilin oktyabrında başlayan qanlı toqquşmalar Qəzza sektorunda 115 körpənin həyatına son qoyub.

Oxu.Az-ın məlumatına görə, bu barədə BMT-nin Humanitar Məsələlərin Əlaqələndirilməsi İdarəsinin nümayəndəliyi məlumat verib.

Bildirilir ki, bu rəqəm münaqişənin başlanğıcından bəri qeydə alınıb.

Sənədə əsasən, körpələrin 48-i, yəni 42%-i ölüm anında cəmi biraylıq olub. Ümumilikdə isə həyatını itirən 115 uşağın hamısı 8 aylığa qədər olan körpələrdir.

Qəzza Səhiyyə Nazirliyinin avqustun 1-nə olan məlumatına görə, münaqişə başlayan tarixdən indiyədək şəxsiyyəti müəyyən edilmiş və sənədləşdirilmiş 32 300 ölü arasında 10 600 uşaq, o cümlədən bir yaşına qədər 663 körpə var.