Braziliyanın hava limanında təyyarədən enərkən trapdan yıxılan 72 yaşlı qadın həyatını itirib.
Oxu.Az xəbər verir ki, bu barədə "Daily Mail" nəşri məlumat yayıb.
Bildirilib ki, beyin qanaması diaqnozu ilə xəstəxanaya yerləşdirilən zərərçəkmiş iki gün sonra orada vəfat edib.
Bədbəxt hadisə San-Paolodakı Konqonyas hava limanında baş verib. Qadına hadisə yerində ilkin tibbi yardım göstərildikdən sonra o, aviaşirkət əməkdaşının müşayiəti ilə təcili olaraq özəl klinikaya çatdırılıb. Qadın orada dünyasını dəyişib.
Aviaşirkət rəsmi açıqlamasında bədbəxt hadisəni təsdiqləyərək sərnişinin ölümündən dərin kədər hissi keçirdiklərini bildirib və onun ailə üzvlərinə başsağlığı verib. Daşıyıcı şirkət bütün müəyyən edilmiş qaydalara riayət etdiyini və sərnişinlərin təhlükəsizliyi üçün mümkün olan bütün tədbirləri gördüyünü vurğulayıb.
