Britaniya ordusu Estoniyanın Rusiya ilə birbaşa sərhədində yerləşən Vorumaa bölgəsinə təlimlər üçün "Challenger 2" əsas döyüş tanklarını göndərib.
Oxu.Az-ın xəbərinə görə, bu barədə "Military Watch Magazine" nəşri məlumat verib.
Tanklar Şotlandiya Kral Alayının 2-ci batalyonunun xidmətindədir və NATO-nun "Yaz fırtınası" təlimlərində əsas rol oynayır. Təlimlər zamanı şərti Rusiya qoşunları hədəf götürülüb. Britaniya ordusuna məxsus tankların təlimlərdə mövcudluğu Rusiya sərhədləri yaxınlığında NATO quru qoşunları bölmələrinin daha da genişlənməsi istiqamətində həlledici hesab edilir.
Eyni zamanda ötən gün Litva prezidentinin milli təhlükəsizlik üzrə baş müşaviri Deyvidas Matulenis bəyan edib ki, ABŞ bu respublikanın ərazisindən mindən çox hərbçisinin və hərbi texnikasının çıxarılmasına başlayıb.
