Çinin 2.5 milyon əhalisi olan Xuanşi şəhəri güclü leysandan sonra, demək olar ki, su altında qalıb.
Oxu.Az xəbər verir ki, bu barədə "REN TV" məlumat yayıb.
Bildirilir ki, şəhərin yaxınlığından keçən çayda suyun səviyyəsi 6.5 metrə qədər artıb. Vurğulanıb ki, bu daşqınlara qədər bölgədə kəskin leysan xarakterli yağışlar müşahidə edilib.
Əlverişsiz hava şəraiti ölkənin qərb bölgələrinə də təsir göstərib - Tsemo qəzasını sel suları basıb. Xotan dairəsinə cəmi altı saat içində 64.7 millimetr yağıntı düşüb ki, bu göstərici həmin ərazi üçün bir il yarımlıq normaya uyğundur.
Qeyd edək ki, sel sularının dağıdıcı təsiri ilə körpülərdən biri uçub.
Qaynar xətt:
(055) 224 12 12
