ABŞ-nin lideri Donald Tramp 44-cü prezident Barak Obamanın administrasiyası tərəfindən Ukraynaya 350 milyard dollar dəyərində silah tədarük edilməsini dəlilik kimi qiymətləndirib.
Oxu.Az xəbər verir ki, bu barədə Ağ Ev rəhbəri Fransada keçirilən "Böyük Yeddilik ölkələri" (G7) sammiti çərçivəsində jurnalistlərə açıqlamasında deyib.
"Biz onlara (Kiyevə) silahı sadəcə bağışlamırıq, satırıq. Obamanın onlara 350 milyard dollarlıq silah verməsi isə sadəcə ağılsızlıq idi. Avropa İttifaqı (Aİ) Ukrayna üçün silahların tam dəyərini bizə ödəyir", - deyə o bildirib.
Qeyd edək ki, demokratları dəstəkləyən ABŞ mətbuatı, hazırkı dövlət başçısını Obama və 46-cı prezident Co Bayden administrasiyalarının Kiyevə etdiyi yardımın həcmi ilə bağlı səsləndirdiyi fikirlərə görə tənqid hədəfinə çevirib. CNN telekanalının məlumatına əsasən, Obama Ukraynaya 2.1 milyard dollar məbləğində dəstək göstərib. Bununla belə, televiziya kanalı sözügedən yardımın konkret nədən ibarət olduğunu açıqlamır.
