Ərdoğan: "Suriyada xalq inqilabı baş verdi"

"Suriyalılar Türkiyəyə ən səmimi niyyətlərlə təşəkkür ifadə edirlər".

Oxu.Az NTV-yə istinadən xəbər verir ki, bu sözləri Türkiyə Prezidenti Rəcəb Tayyib Ərdoğan Ədalət və İnkişaf Partiyasının Əyalət Konqresindəki nitqi zamanı deyib.

Türkiyə lideri suriyalıların 13 ildən sonra ilk dəfə gələcəklərinə ümid və həyəcanla baxdıqlarını bildirib:

"Amma bəziləri buna dözə bilmir və ağılsız nəzəriyyələr irəli sürürlər. Onlar cəhalət çuxuruna o qədər batıblar ki, burunlarından o tərəfi görə bilmirlər, amma guya Suriyadakı böyük oyunu həll edəcəkdilər".

Ərdoğan Suriyada sözün əsl mənasında xalq inqilabının baş verdiyini ifadə edib.