Ermənistan Prezidenti Vahan Xaçaturyan parlament tərəfindən qəbul edilmiş "Ermənistan Elektrik Şəbəkələri" QSC-nin milliləşdirilməsinə icazə verən qanunları imzalayıb.
Oxu.Az Ermənistan KİV-ə istinadla xəbər verir ki, bu barədə müvafiq sərəncam dövlət başçısının saytında dərc olunub.
Qeyd edək ki, iş adamı Samvel Karapetyan şirkəti 2016-cı ildə əldə edib və modernləşdirməyə yüzmilyonlarla dollar sərmayə qoyub. İyunun 18-də o, Erməni Apostol Kilsəsini müdafiə edən çıxışından sonra hakimiyyəti ələ keçirməyə açıq çağırışda ittiham olunaraq iki ay müddətinə həbs edilib.
Onun həbsindən az sonra hökumət "Ermənistanın Elektrik Şəbəkələri"nin milliləşdirilməsi və hərraca çıxarılması barədə qərarını açıqlayıb.
