Ermənistanda katolikos II Qareginin qardaşı oğlu Ambartsum Nersisyan həbs edilib.
Oxu.Az xəbər verir ki, bu barədə Ermənistan İstintaq Komitəsinin Mətbuat Xidməti məlumat yayıb.
Məlumata görə, məhkəmə onun barəsində xuliqanlıq və təşviqat kampaniyasının keçirilməsinə maneə törətmək ittihamı üzrə bir ay müddətinə həbs qətimkan tədbiri seçib.
Ermənistanda katolikos II Qareginin qardaşı Gevork Nersisyan bir ay müddətinə həbs edilib.
Oxu.Az xəbər verir ki, bu barədə məlumatı "Sputnik Ermənistan" müttəhimin vəkili Ara Zohrabyanın sözlərinə istinadən yayıb.
Hazırda məhkəmə onun oğlu Ambartsumun həbs edilməsi ilə bağlı vəsatətə baxır.
Qeyd edək ki, Qareginin qardaşı və qardaşı oğlu dünən Vaqarşapatda xuliqanlıq və seçkiqabağı təbliğat kampaniyasına mane olmaq ittihamı ilə saxlanılıblar.
Ermənistanda katolikos II Qareginin qardaşı Gevorq Nersisyan və qardaşı oğlu Ambartsum Nersisyan xuliqanlıqda ittiham olunaraq saxlanılıblar.
Oxu.Az xəbər verir ki, bu barədə vəkil Ara Zohrabyan "Facebook" səhifəsində məlumat verib.
Onun sözlərinə görə, saxlanılanlar noyabrın 16-da bələdiyyə seçkisinin keçiriləcəyi Armavir vilayətində seçkiqabağı kampaniyaya maneə törətməkdə təqsirləndirilirlər.
