Fransanın yeni təyin olunmuş baş naziri Sebastyen Lekornyu hökumətin keçmiş üzvlərinə verilən ömürlük güzəştlərin ləğv edildiyini açıqlayıb.
Oxu.Az xəbər verir ki, o, bu barədə "X" sosial şəbəkəsində yazıb.
Lekornyunun sözlərinə görə, güzəştlər 2026-cı il yanvarın 1-dən ləğv ediləcək.
Fransanın baş naziri qeyd edib ki, bu güzəştlərdən biri polis qorumasıdır. Bu güzəşt keçmiş baş nazirlərə və daxili işlər nazirlərinə yalnız məhdud müddətə veriləcək və real riskdən asılı olaraq müddəti uzadılacaq.
