Fransalı siyasətçi Putinin Ukrayna ilə bağlı xəbərdarlıqlarına diqqət yetirməyə çağırıb

"Paris Vladimir Putinin Ukrayna ilə bağlı xəbərdarlığına qulaq asmalıdır".

Oxu.Az xəbər verir ki, bu barədə Fransanın "Vətənpərvərlər" partiyasının lideri Florian Filippo özünün "X" sosial şəbəkəsindəki hesabında yazıb.

Filippo vurğulayıb ki, Rusiya lideri xəbərdarlıq edir: Ukrayna Silahlı Qüvvələrinə Rusiyanın dərinliklərində uzaqmənzilli silahlardan atəş açmağa icazə verilməsi NATO ilə Rusiya arasında müharibəyə səbəb ola bilər. Siyasətçi hesab edir ki, hadisələrin bu istiqamətdə inkişaf etməsi dünya müharibəsinə gətirib çıxaracaq və Fransanı bundan uzaq durmağa çağırıb.

Très intéressant ce que dit #Poutine dans cette interview (cf vidéo ⤵️) :

La question n’est pas seulement de donner ou pas l’autorisation à l’#Ukraine d’utiliser en Russie les missiles à longue portée.

Donner cette autorisation signifie surtout mettre à disposition de #Zelensky… pic.twitter.com/7txxaIWE6e

— Florian Philippot (@f_philippot) September 13, 2024

Qeyd edək ki, bir gün əvvəl Putin jurnalistin sualını cavablandırarkən bildirmişdi ki, Ukrayna Avropa və ABŞ peyklərinin məlumatları olmadan Rusiya ərazisinə dərin zərbələr endirmək iqtidarında deyil. Ona görə də, onun sözlərinə görə, məsələ Qərbin raketlərindən istifadəyə icazədən yox, NATO ölkələrinin münaqişədə birbaşa iştirakından gedir.

Ağ Ev Rusiya liderinin sözlərini şərh etməyib.

Bundan sonra ABŞ ordusunun təqaüdçü zabiti Daniel Devis bildirib ki, Qərb ölkələri Ukraynanın Rusiyaya uzaqmənzilli silahlarla dərindən zərbələr endirmək imkanını müzakirə etməklə atəşlə oynayır.