Hindistanda son aylarda ən azı 24 uşaq öskürək əleyhinə şərbətdən həyatını itirib.
Oxu.Az-ın xəbərinə görə, bu barədə "Reuters" agentliyi mənbələrə istinadən məlumat verib.
Tamilnad ştatından olan, səhiyyə və dərman təhlükəsizliyinə məsul üç məmur agentliyə bildirib ki, onların fikrincə, "Coldrif" öskürək əleyhinə şərbət partiyasının istehsalında istifadə edilən həlledici zəhərli kimyəvi maddə ilə çirklənmiş ola bilər.
Bildirilir ki, "Sresan Pharmaceutical Manufacturers" şirkəti yerli kimyəvi distribüter olan "Sunrise Biotech"dən 50 kiloqram propilenqlikol (PG) həlledicisini alıb. Elə həmin gün həlledicini "Jinkushal Aroma" - maye yuyucu vasitələr və digər kimyəvi maddələr üçün ətirləndiricilər istehsal edən kiçik bir şirkət də alıb.
Hindistan hakimiyyəti araşdırmalara başlayıb. "Coldrif" şərbətinin məlum sənaye toksini olan dietilenqlikolla (DEG) güclü şəkildə çirkləndiyi vurğulanır. Hüquq-mühafizə orqanları hazırda bu maddənin həllediciyə necə daxil olduğunu müəyyənləşdirirlər.
