Amerikalı sahibkar və milyarder İlon Mask ABŞ Prezidenti Donald Trampla Ağ Evdə keçirilən görüşə dəvət olunmasına baxmayaraq, görüşdə iştirak etməyib.
Oxu.Az -ın xəbərinə görə, bu barədə CNN kanalı məlumat yayıb.
"Məni dəvət etdilər, amma təəssüf ki, gələ bilmədim. Mənim nümayəndəm orada olacaq", - deyə Mask bildirib.
Qeyd olunub ki, Tramp və ABŞ İT sənayesinin əsas nümayəndələri arasında keçirilən görüşdə "Meta" şirkətinin rəhbəri Mark Zukerberq, "Apple" şirkətinin rəhbəri Tim Kuk, "Microsoft"un yaradıcısı Bill Qeyts, "Google" şirkətinin rəhbəri Sundar Piçai və "OpenAI" şirkətinin baş direktoru Sem Altman iştirak ediblər.
