İran hökumətinin sözçüsü Fatimə Mühacirani mətbuat konfransında ölkənin yol və şəhərsalma naziri Fərzanə Sadiqin impiçment məsələsinə aydınlıq gətirib.
"Azad İran" "Telegram" kanalı bu barədə İran KİV-ə istinadən xəbər yayıb.
İran hökumətinin mətbuat katibi Fatimə Mühacirani bildirib ki, parlamentin belə hüququ var:
"Ancaq bizim gözləntimiz ondan ibarətdir ki, bu hüquqi prosesdən siyasi rıçaq kimi istifadə olunmasın. İqtisadiyyat naziri də impiçment edilib. Biz ümid edirik ki, parlamentin qərarları peşəkar və ekspert rəyləri əsasında qəbul olunacaq", - deyə hökumətin sözçüsü vurğulayıb.
Xatırladaq ki, aprelin 26-da Şəhid Rəcai limanında kimyəvi maddələr anbarında partlayış baş verib. Hadisə nəticəsində azı 70 nəfər həlak olub, 1.2 mindən çox insan xəsarət alıb. İran Daxili İşlər Nazirliyi hadisəni səhlənkarlıqla əlaqələndirir. İran tərəfi zərər çəkmiş ərazidə hərbi yüklərin olduğunu inkar edir.
