ABŞ və İran arasında razılaşma ilə bağlı xəbərlər fonunda ölkənin siyasi dairələrində Ali Milli Təhlükəsizlik Şurasının strukturunda dəyişikliklərlə bağlı yeni müzakirələr ortaya çıxıb.
Bu barədə "Azad İran" "Telegram" kanalı xəbər verir.
Mənbələrin məlumatına görə, Şurasının üzvü və prezidentliyə keçmiş namizəd, mühafizəkar siyasətçi Səid Cəlili qurumun tərkibindən çıxarılıb.
Bildirilir ki, onun yerini xarici işlər nazirinin keçmiş müavini Əli Baqiri Kani tuta bilər.
Həmçinin qeyd edilir ki, Əli Baqiri Kani İran ali liderinin yaxın çevrəsi ilə qohumluq əlaqələrinə malikdir, lakin bu məlumat rəsmi olaraq təsdiqlənməyib.
İran rəsmiləri hələlik bu məsələ ilə bağlı heç bir açıqlama verməyiblər və bu xəbərlər şayiə və təsdiqlənməmiş məlumat səviyyəsində qalır.
