ABŞ Prezidenti Donald Tramp Kubaya qarşı həm diplomatik, həm də güc tətbiqi variantlarını nəzərdən keçirir.
Oxu.Az xəbər verir ki, bu barədə "Politico" nəşri ABŞ Administrasiyasının adı açıqlanmayan yüksəkvəzifəli rəsmisinə istinadən məlumat yayıb.
Məlumata görə, Trampın Kubada diplomatik və hərbi fəaliyyət variantları var, lakin dövlət başçısı hələ hansı qərarı qəbul edəcəyini müəyyənləşdirməyib.
İddia olunur ki, məhz buna görə də Birləşmiş Ştatlar neft idxalının blokadası və sanksiyaların tətbiqi ilə Havanaya təzyiq göstərməyə davam edir.
Nəşr qeyd edir ki, ABŞ Administrasiyasının Kubaya münasibətdə sonrakı addımları hələlik tam aydın deyil.
Xatırladaq ki, daha əvvəl də Tramp Kubanın ABŞ-nin növbəti hədəfi olacağı barədə müxtəlif fikirlər səsləndirib.
