Özbəkistan prezident aparatı İslam Kərimovun ölüm xəbərini təkzib edib.
Oxu.Az-ın RİA Novosti agentliyinə istinadən verdiyi məlumata görə, bu barədə prezident aparatındakı mənbə bildirib.
“Prezident İslam Kərimovun vəziyyəti sabitdir”, deyə mənbə bildirib.
Xatırladaq ki, bundan əvvəl “fergananews.com” saytı Özbəkistan prezidentinin vəfatı ilə bağlı məlumat yayıb.
Qeyd edək ki, İslam Kərimov avqustun 27-də xəstəxanaya yerləşdirilib.
29.08.2016 23:32
Özbəkistan prezidenti İslam Kərimov vəfat edib.
Oxu.Az-ın məlumatına görə, bu barədə “fergananews.com” saytı yazıb.
Nəşrin mənbələrinin məlumatına əsasən, İ.Kərimov bu gün günorta saatlarında dünyasını dəyişib.
Özbəkistan höküməti bu barədə hələlik heç bir rəsmi məlumat verməyib.
Qeyd edək ki, bundan əvvəl, İslam Kərimovun qızı Lola Kərimova-Tillayeva öz instaqram səhifəsində atasının beyninə qan sızdığını bildirmişdi.
