Kolumbiyada güclü palçıq vulkanı püskürüb, hakimiyyət orqanları yerli əhalini təxliyə edir.
Oxu.Az xəbər verir ki, bu barədə "BNO News" məlumat yayıb.
Məlumata görə, təbiət hadisəsi Antiokiya bölgəsinin San-Xuan-de-Uraba rayonunda baş verib.
"Hakimiyyət orqanları palçıq vulkanının yerli sutəmizləmə stansiyası və yaşayış evlərinin yaxınlığında püskürdüyünü bildirib", - deyə nəşrdə bildirilib.
Rəsmi şəxslərin məlumatlarına görə, hadisə zamanı xəsarət alan olmayıb. Hazırda yalnız Syete-Vueltas rayonuna gedən yolun zədələnməsi qeydə alınıb.
