Rusiyada eksperimental koronavirus peyvəndi vurulan könüllü hərbçilər özlərini necə hiss etdikləri barədə danışıblar.
Bu barədə RT xəbər yayıb.
“Çiyinə vurulan adi iynədir. Heç bir simptom yoxdur: temperatur normaldır - 36,6. Hətta başım da ağrımır. Demişdilər ki, iştaham olmayacaq - əvvəlkindən də çox yeyirik. İynə yerində yalnız iz qalıb, ağrı yoxdur. Səhər idman edirik, heç bir narahatlıq hiss etmirik”, - deyə Sergey adlı könüllü bildirib.
Həkimlər də Burdenko xəstəxanasının mütəxəssislərinin nəzarəti altında peyvənd edilmiş könüllülərin birinci və ikinci qruplarının sağlamlıq vəziyyətlərini yaxşı qiymətləndirirlər. Onların sözlərinə görə, koronavirus peyvəndi tətbiq olunduqdan sonra heç bir fəsad və ya mənfi reaksiya görünməyib.
Koronavirus peyvəndi vurulan könüllülər danışdı: “İynə yerində yalnız iz qalıb” - VİDEO
