Madridin əsas hava limanı Barajas qeyri-adi problemlə üzləşib, onun terminalları 500-ə yaxın evsizin və narkotik aludəçisinin məskəninə çevrilib.
Bu barədə Oxu.Az "Daily Mail" nəşrinə istinadla xəbər verir.
Əgər əvvəlcə 50-yə yaxın belə "qanunsuz qonaq" var idisə, indi onların sayı 10 dəfə artıb, bu da sərnişinlər və hava limanının əməkdaşları üçün ciddi narahatlıqlar yaradır.
Nəşrin məlumatına görə, bu insanların çoxu sadə gigiyena qaydalarına əməl etmirlər. Bəzən onlar tualet ehtiyaclarını birbaşa gözləmə otaqlarında qarşılayırlar.
Narkotik maddələrdən istifadə və aqressiv davranışla bağlı hadisələrin artması turoperatorlar və sərnişinlərin narahatlığına səbəb olur.
Aprel ayında hava limanının administrasiyası hətta taxtabitilərin hücumu səbəbindən bir neçə zonanı təcili dezinfeksiya etməli olub.
