Nigeriyada gəmi qəzaya uğradı: 37 nəfər həlak oldu

Nigeriyanın cənub-qərbində Niger çayında baş vermiş bərə qəzası nəticəsində ən azı 37 nəfər suda boğulub.

Oxu.Az xəbər verir ki, bu barədə "Cable" portalı məlumat yayıb.

Hadisə Kvara ştatının Qbaciqbo yaşayış məntəqəsi ərazisində baş verib. İlkin məlumata görə, bərə həddindən artıq yüklənmə səbəbindən batıb.

Faciə yerində axtarış-xilasetmə əməliyyatı davam edir.

Qeyd edək ki, Nigeriyada nəqliyyat vasitələrinin həddindən artıq yüklənməsi tez-tez qəzaların əsas səbəblərindən biri olur. Yerli hakimiyyət orqanları bu cür hadisələrin qarşısını almaq üçün tədbirlər görülməsi zərurətini vurğulayır.