Oman sahillərində tankerdə baş verən yanğın nəticəsində bir nəfər ölüb, iki nəfər itkin düşmüş hesab olunur.
Oxu.Az xəbər verir ki, bu barədə TASS Böyük Britaniya Hərbi Dəniz Qüvvələri yanında Dəniz Ticarət Daşımalarının Koordinasiya Mərkəzinin (UKMTO) bildirişinə əsasən məlumat yayıb.
"UKMTO Omanın Sohar limanından 20 dəniz mili (37 km) şimal-şərqdə insident barədə məlumat alıb. Yerli orqanların məlumatına görə, tankerdə maşın bölməsində yanğın baş verib. Hazırda əraziyə xilasetmə xidmətləri cəlb olunub və gəmi heyətinin təxliyəsinə köməklik göstərilir", - deyə koordinasiya mərkəzinin məlumatında qeyd edilib.
"Bir nəfərin öldüyü bildirilir. Ekipajın daha iki üzvü itkin düşmüş hesab olunur", - UKMTO-da məlumat veriblər.
İnsident "şübhəli fəaliyyət" kimi təsnif edilib, gəminin adı dəqiqləşdirilmir.
