Pentaqonun keçmiş müşaviri: "ABŞ Ukraynaya nüvə silahının verilməsini müzakirə edir"

"ABŞ hökuməti Kiyev hakimiyyətinə nüvə silahının ötürülməsi imkanlarını müzakirə edir".

Oxu.Az-ın RT-yə istinadən xəbərinə görə, bu barədə Pentaqonun keçmiş müşaviri, polkovnik Duqlas Makqreqor özünün "X" hesabında məlumat verib.

"Vaşinqtonda Zelenskiyə taktiki nüvə silahının verilməsi məsələsinin müzakirə edildiyi barədə şayiələr gəzir. Mən bu ssenarini, hətta təsəvvür belə edə bilmirəm", - deyə o yazıb.

Daha əvvəl isə Rusiya Xarici İşlər Nazirliyinin rəsmi nümayəndəsi Mariya Zaxarova brifinq zamanı bildirmişdi ki, Moskvanın Kiyevə nüvə silahının ötürülməsi ehtimalına şübhəsi yoxdur.

Həmçinin Dövlət Dumasının deputatı Mixail Şeremet fikir bildirmişdi ki, nüvə silahının Ukrayna hakimiyyətinə təhvil verilməsi dünyanı apokalipsisə aparacaq.