Qəzza zolağının tam ələ keçirilməsi planı təsdiqləndi: Hərbçilərin səfərbərliyi elan ediləcək

İsrail ehtiyatda olan hərbçilərin səfərbərliyini elan edəcək.

Oxu.Az xəbər verir ki, bu barədə İsrailin "Kan" dövlət televiziyası məlumat yayıb.

Öz növbəsində, İsrail ordusunun "Qaley Saxall" radiostansiyası Qəzza şəhərinin ələ keçirilməsi əməliyyatının 2026-cı ilə qədər davam edəcəyini və ehtiyatda olan 130 min hərbçinin orduya cəlb ediləcəyini qeyd edib.

İsrailin müdafiə naziri İsrael Katsın mətbuatda dərc edilən yeni açıqlamasında isə qeyd olunur ki, İsrailin həlledici əməliyyatından sonra Qəzza şəhəri öz görkəmini tamamilə dəyişəcək və daha əvvəlki kimi görünməyəcək.

10:58

İsrailin müdafiə naziri İsrael Kats Qəzza zolağının tam ələ keçirilməsi planını təsdiqləyib.

Oxu.Az xəbər verir ki, bu barədə "Kan" dövlət televiziyası məlumat yayıb.

Kod adı "Gideonun arabaları 2" olacaq quru əməliyyatlar Qəzza zolağının tam nəzarətə götürülməsini və HƏMAS-ın darmadağın edilməsini nəzərdə tutur.