Rusiyada onlarla sərnişinin olduğu avtobus qəzaya uğradı: Sürücü diri-diri yandı

Rusiyanın Krasnodar vilayətində avtobusla toqquşma nəticəsində yanacaq daşıyan yük maşınının sürücüsü avtomobilin içərisində diri-diri yanıb.

Oxu.Az xəbər verir ki, bu barədə "Shot" "Telegram" kanalı məlumat yayıb.

Qeyd olunub ki, "MAN" markalı yük avtomobili "Yutong" markalı avtobusla toqquşub. Qəzadan sonra hər iki nəqliyyat vasitəsi yanıb.

Vurğulanıb ki, sərnişin avtobusunda 49 sərnişin olub. Onların hamısı yanan maşından xilas ola biliblər.

Lakin avtobusda olan 31 sərnişin, o cümlədən üç uşağa tibbi yardım göstərilib.

Faktla bağlı araşdırma aparılır.