Rusiyanın Perm şəhərinin Novıye Lyadı qəsəbəsi yaxınlığında raket mühərrikləri istehsal edən "Proton-PM" zavodunda genişmiqyaslı yanğın baş verib.
Oxu.Az-ın Rusiya KİV-ə istinadən xəbərinə görə, bu barədə Rusiya Fövqəladə Hallar Nazirliyindən məlumat verilib.
Məlumata görə, yanğın 2 100 kvadratmetr ərazini əhatə edib. Xəsarət alanlar barədə məlumatın daxil olmadığı bildirilir.
Qeyd edək ki, "Proton-PM" zavodu Rusiya və MDB-də raket-kosmik sənayesində ən böyük müəssisələrdən biri hesab edilir və maye raket mühərriklərinin istehsalı üzrə ixtisaslaşıb. "Proton" və "Anqara" raketdaşıyıcısı üçün mühərriklər istehsal edir. "Roskosmos" dövlət korporasiyasının və "NPO Enerqomaş" inteqrasiya olunmuş strukturunun tərkibinə daxildir.
Qaynar xətt:
(055) 224 12 12
