Sakit Okeanda yerləşən ada dövləti Tuvalunun sakinləri viza almaq məqsədilə kütləvi şəkildə Avstraliya hökumətinə müraciət ediblər.
Oxu.Az xəbər verir ki, bu barədə Yaponiyanın NHK telekanalı məlumat yayıb.
Məlumata görə, bu kütləvi müraciətə səbəb iqlim dəyişikliyi nəticəsində okean səviyyəsinin qalxması və ölkənin su altında qalmaq təhlükəsidir.
Bildirilib ki, artıq müraciət edənlərin sayı 5 min nəfəri keçib. Bu səbəbdən Avstraliya hökuməti 2026-cı il üçün viza ərizələrinin qəbulunu dayandırıb.
