İrəvan Ermənistan və Türkiyənin xüsusi nümayəndələri Ruben Rubinyan və Serdar Kılıçın gözlənilən görüşü ilə bağlı yayılan məlumatı rəsmən təsdiqləyib.
Oxu.Az xəbər verir ki, bu barədə Ermənistan Xarici İşlər Nazirliyinin Mətbuat Xidməti məlumat yayıb.
"Ermənistan və Türkiyə arasında münasibətlərin normallaşdırılması prosesi çərçivəsində yaxın günlərdə Ruben Rubinyan və Serdar Kılıç arasında görüş planlaşdırılır", - deyə açıqlamada bildirilir.
Türkiyə və Ermənistan ilk dəfə iki ölkə nümayəndə heyətləri arasında görüş keçirməyə hazırlaşır.
Oxu.Az xəbər verir ki, bu barədə NTV telekanalı diplomatik mənbələrə istinadla xəbər verir.
Görüşün gələn həftənin əvvəlində baş tutması planlaşdırılır. Bu çərçivədə Serdar Kılıçın rəhbərlik etdiyi nümayəndə heyətinin Alican sərhəd məntəqəsindən keçərək Ermənistana getməsi gözlənilir.
Görüş zamanı Türkiyə ilə Ermənistan arasında ikitərəfli münasibətlərin normallaşdırılması üçün bəzi qərarların qəbul edilməsi və daha əvvəl qəbul edilmiş qərarların icrası müzakirə oluna bilər.
