Rusiya və ABŞ Prezidentləri - Vladimir Putin və Donald Tramp danışıqları yekunlaşdırıblar.
Oxu.Az-ın xəbərinə görə, bu barədə Kremlin Mətbuat Xidməti məlumat yayıb.
Kremlin yaydığı kadrlardan göründüyü kimi, mətbuat konfransı başa çatdıqdan sonra Rusiya və ABŞ liderləri danışıqları ayaqüstü yekunlaşdırıblar.
Daha sonra Putin sovet pilotlarının məzarları üzərinə gül dəstələri qoymaq üçün Fort Riçardson hərbi qəbiristanlığına üz tutub.
"Putin və Tramp tərcüməçilər vasitəsilə ünsiyyət qurublar, söhbət dostluq şəraitində keçib və möhkəm əlsıxma ilə başa çatıb", - məlumatda qeyd olunub.
Donald Tramp və Vladimir Putinin birgə mətbuat konfransı başa çatıb.
Oxu.Az bildirir ki, Ankoric şəhərinin Elmendorf-Riçardson hərbi bazasındakı otaqlardan birində keçirilən konfransda prezidentlər mətbuata bəyanatlarla çıxış edirlər.
ABŞ Prezidenti Donald Tramp və Rusiya Prezidenti Vladimir Putin arasında məhdud tərkibdə danışıqlar başa çatandan sonra birgə mətbuat konfransı başlayıb.
Oxu.Az bildirir ki, Ankoric şəhərinin Elmendorf-Riçardson hərbi bazasındakı otaqlardan birində keçirilən konfransda prezidentlər mətbuata bəyanatlarla çıxış edirlər.
ABŞ Prezidenti Donald Tramp və Rusiya Prezidenti Vladimir Putin arasında məhdud tərkibdə danışıqlar başa çatıb.
Oxu.Az bildirir ki, görüş təxminən 3 saat davam edib. Bir azdan mətbuat konfransı başlayacaq.
Alyaskanın Ankoric şəhərində Rusiya və ABŞ prezidentləri Vladimir Putin və Donald Trampın danışıqlarının "üçün-üçə" formatı başlayıb.
Oxu.Az xəbər verir ki, Elmendorf-Riçardson hərbi bazasındakı otaqlardan birində keçirilən görüşdə Rusiya xarici işlər naziri Sergey Lavrov və prezidentin köməkçisi Yuri Uşakov, eləcə də Donald Trampın xüsusi elçisi Stiv Uitkoff və dövlət katibi Marko Rubio da iştirak edirlər.
Putin və Tramp açılış nitqi ilə çıxış etməyiblər.
Alyaskanın Ankoric şəhərində Rusiya və ABŞ prezidentləri Vladimir Putin və Donald Trampın görüşü başlayıb.
Danışıqlara başlamazdan əvvəl Ankoricdə demək olar ki, eyni vaxtda təyyarələrindən enərək bir-birlərini salamlayıblar.
Qarşılanmadan sonra Prezidentlər görüş üçün təyin olunan bazaya yollanırlar.
