Yaponiyanın Kyüşü adasında yerləşən Şinmoe vulkanı havaya üç min metrdən artıq hündürlüyə kül və tüstü püskürüb.
Oxu.Az bu barədə NHK telekanalına istinadla xəbər verir.
Bildirilir ki, yerli hakimiyyət orqanları lava axını təhlükəsi barədə xəbərdarlıq ediblər.
Onun kraterindən 14 km məsafədə yerləşən ərazi xırda daş və pemza ilə örtülüb.
Qeyd edək ki, 1420 m hündürlüyü olan son dərəcə aktiv Şinmoe vulkanı iyunun sonundan bəri zəlzələlərlə sarsılır.
