Yaponiyanın yeni imperatorunun taxta çıxması 2019-cu ilin yanvar ayının 1-nə planlaşdırılıb.
Oxu.Az “Sankey” qəzetinə istinadən xəbər verir ki, bu məsələ üzrə qanun layihəsi bu ilin mayında təqdim edilməlidir.
2016-cı ilin avqust ayında hazırki imperator Akixito artıq istirahətə getmək istədiyini bəyan etmişdi. 83 yaşlı imperatorun xələfi onun böyük oğlu Naruxito olacaq. Amma Yaponiyanın qüvvədə olan konstitusiyasında hakimiyyətdən imtina nəzərə alınmır, bu səbəbdən də hakimiyyət konstitusiyada düzəlişlər etməyə hazırlaşır.
N.O.
www.oxu.az
