"YouTube"da ilk videonun yayımından 20 il ötür

"YouTube"da yayımlanan ilk videonun 20 yaşı tamam olub.

Oxu.Az xəbər verir ki, platformanın həmtəsisçisi Cavid Kərim 24 aprel 2005-ci ildə 19 saniyəlik "Me at the zoo" ("Mən zooparkda") adlı videonu yükləyib.

Yayımlandığı gündən bu post 356 milyondan çox baxış, 17 milyon müsbət reaksiya və demək olar ki, 10,4 milyon şərh alıb.

"YouTube" nümayəndələri ötən 20 ilin statistikasını paylaşıblar. İllər ərzində platforma istifadəçiləri 20 milyarddan çox video yükləyib və platformada hər gün 20 milyon yeni video yayımlanıb. Bundan əlavə, istifadəçilər gündəlik orta hesabla 100 milyon şərh yazır və 3,5 milyard bəyənmə edirlər.

Bundan əlavə, 300-dən çox musiqi videosu 1 milyard baxış həddini keçib. Buna ən tez nail olan Adelin "Hello" (88 gün) mahnısı olub.

"YouTube"da ilk videonun yayımından 20 il ötür