Azərbaycanda kapital və əmlak amnistiyası elan edilə bilər - Nazirdən AÇIQLAMA

“Biz məşğulluğun qorunması və genişləndirilməsini başlıca vəzifəmiz kimi görürük”. 

Oxu.Az xəbər verir ki, bunu İqtisadiyyat naziri Mikayıl Cabbarov Prezident İlham Əliyevin qəbulunda olarkən deyib.

O bildirib ki, Azərbaycan neft-qaz gəlirlərinin əvəz edilməsinə yönəlmiş siyasəti həyata keçirmək niyyətindədir.

M.Cabbarov Azərbaycanda kapital və əmlak amnistiyası ilə bağlı təkliflərdən də söz açıb:

“Spesifik olaraq kölgə iqtisadiyyatı mövzusu da müzakirə olunub. Bu gün sizin diqqətinizə məruzə etmək istərdim ki, bu müzakirələr zamanı istər özəl sektor nümayəndələri, istər bank sektorunun nümayəndələri, istərsə də Azərbaycan Banklar Assosiasiyasının (ABA) təmsilçiləri kölgə iqtisadiyyatının azaldılması və aradan qaldırılması prosesində vacib bir alətin - kapital və əmlak amnistiyasının baxılmasının vəsatətini qaldırıblar. Biz ümumi zərfdə onu da hökumətə, sizin diqqətinizə təqdim edəcəyik”.