Ağstafada dəhşətli qətl: Qadın öldürüldü, 3 900 manatı oğurlandı

Ağstafa rayonunun Dağ Kəsəmən kəndində qətldən sonra oğurluq hadisəsi də olub.

Oxu.Az-ın əldə etdiyi məlumata görə, hadisədə adı keçən Fatma Musayeva və Zülfiyyə Musayeva həm qohum, həm də qonşu olublar.

Hadisənin tamah məqsədilə törədildiyi bildirilir. Qeyd olunur ki, qətldən sonra Zülfiyyə Musayeva Fatmanın evindən 3 900 manat oğurlayıb.

Baku TV qətlə yetirilən qadının həyatı yoldaşını danışdırıb:

Ağstafada dəhşətli qətl: Qadın öldürüldü, 3 900 manatı oğurlandı

12:18

Ağstafa rayonunun Dağ Kəsəmən kəndində qətl hadisəsinin bəzi təfərrüatı məlum olub.

Oxu.Az "Teleqraf"a istinadən xəbər verir ki, rayonun Dağ Kəsəmən kəndində yaşayan 1964-cü il təvəllüdlü Fatma Musayeva qətlə yetirilib.

Polis hadisəni törətməkdə şübhəli bilinən 49 yaşlı Zülfiyyə Musayevanı saxlayıb. Məlumata görə, qohum olan şəxslər həm də qonşuluqda yaşayıblar.

Hadisə Fatma Musayevanın evində baş verib. Onun boğaz nahiyəsində bir neçə bıçaq zərbəsinin izləri müəyyən edilib.

Qətlə yetirilən və hadisəni törətməkdə təqsirləndirilən xanım ailəlidirlər. Fatma Musayevanın bir qızı, Zülfiyyə Musayevanın isə iki oğlu var.

Qonşuların sözlərinə əsasən, tərəflər arasında daha öncə heç bir problem yaşanmayıb.

Faktla bağlı Ağstafa Rayon Prokurorluğunda cinayət işi açılıb.

09:14

Ağstafada qətl törətməkdə şübhəli bilinən qadın saxlanılıb.

Oxu.Az-ın məlumatına görə, yanvarın 9-da gecə saatlarında Ağstafa rayonu Dağ Kəsəmən kəndində yaşadığı evdə 61 yaşlı Fatma Musayeva kəsici alətlə qətlə yetirilib.

Cinayəti törətməkdə şübhəli bilinən, onun qohumu 49 yaşlı Zülfiyə Musayevanı polis əməkdaşları saxlayaraq istintaqa təhvil veriblər.

Faktla bağlı araşdırma aparılır.

Samir İsayev