Avqustun 10-da saat 03:50-də 2025-ci il təvəllüdlü körpə (kişi cinsli) halın pisləşməsi səbəbi ilə Beyləqan Rayon Mərkəzi Xəstəxanasına hospitalizasiya olunub.
Bu barədə Oxu.Az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.
Bildirilib ki, müayinə zamanı körpəyə kəskin respirator xəstəlik diaqnozu təyin edilib:
"Körpəyə zəruri tibbi xidmət göstərildikdən sonra, ambulator müayinə üçün evə buraxılıb. Eyni gündə körpənin yenidən halı pisləşib və həkiməqədər ölüm faktı qeydə alınıb.
Qeyd edək ki, ölümün səbəbi patoloji-anatomik təşrihdən sonra dəqiq müəyyənləşəcək. Hazırda faktla əlaqədar aidiyyəti qurumlar, o cümlədən TƏBİB-in Pediatrik ölümlərin təhlili komissiyası tərəfindən araşdırma aparılır".
Məhərrəm Əliyev
Beyləqanda üçaylıq körpə qızdırmadan ölüb.
Oxu.Az "Trend"ə istinadən xəbər verir ki, hadisə rayonun Birinci Şahsevən kəndində baş verib.
Belə ki, valideynləri hərarəti artan 13.05.2025-ci il təvəllüdlü Sultan Səlimxan oğlu Səlimzadəni xəstəxanaya apararkən azyaşlı yolda ölüb.
Faktla bağlı araşdırma başlanıb.
