Goranboy Rayon İcra Hakimiyyətinin sabiq şöbə müdiri Şaiq Qənbərli cinayət məsuliyyətinə cəlb edilməsi barədə yayılan xəbərlərə reaksiya verib.
Oxu.Az "Qafqazinfo"ya istinadən xəbər verir ki, sözügedən məsələ ilə bağlı açıqlama verən Ş.Qənbərli haqqında yazılanların tamamilə yalan və şər-böhtan xarakterli olduğunu bildirib.
Sabiq şöbə müdiri barəsində hər hansı bir hüquqi addımın atılmadığını vurğulayıb:
"Şəxsin hər hansı cinayət işi üzrə təqsirli bilinməsi və məsuliyyətə cəlb olunması yalnız məhkəmə qərarından sonra müəyyən olunur. Qeyd etmək istəyirəm ki, mənim barəmdə heç bir cinayət işi başlanılmayıb və təqsirləndirilən şəxs kimi heç bir cinayət işinə cəlb olunmamışam".
Goranboy Rayon İcra Hakimiyyətinin sabiq şöbə müdiri Şaiq Qənbərli cinayət məsuliyyətinə cəlb edilib.
Oxu.Az "Bakupost"a istinadən xəbər verir ki, Ş.Qənbərli həmyerlisinin şəxsi həyatına dair məlumatları gizlicə lentə alıb yaymaqda ittiham edilir.
Faktla bağlı başlanmış cinayət işi üzrə istintaq tədbirləri davam etdirilir.
Qeyd edək ki, Ş.Qənbərli daha əvvəllər evli qadını qaçırması ilə bağlı gündəmə gəlmişdi. Həmin vaxt o, şöbə müdiri vəzifəsindən çıxarılaraq RİH-də baş məsləhətçi təyin edilmişdi. Lakin bir müddət əvvəl həmin vəzifəsindən də azad olunmuşdu.
