Güclü külək Göyçayda fəsadlar törədib: Elektrik enerjisinin verilişi dayandırılıb

Yaxın yarım saat ərzində Göyçayda elektrik enerjisinin verilişi bərpa olunacaq.

Bu barədə Oxu.Az-ın sorğusuna cavab olaraq "Azərişıq" ASC-dən məlumat verilib.

"Külək bir neçə istiqamətdə ağacları elektrik xətlərin üzərinə aşırıb. Nəticədə bir neçə kənd və Göyçay şəhər mərkəzindəki bir neçə küçədə elektrik enerjisinin verilməsində fasilə yaranıb. Artıq problemin böyük hissəsi bərpa olunub. Hazırda qəza xidmətimiz ərazilərdə işi davam etdirir və yaxın yarım saat ərzində qəzanın fəsadları tam olaraq aradan qaldırılacaq", - deyə məlumatda vurğulanır.

Əzizə İsmayılova

17:32

Dekabrın 17-si günorta saatlarından başlayan güclü külək Göyçayda fəsadlar törədib.

Oxu.Az AZƏRTAC-a istinadən xəbər verir ki, külək şəhər ərazisində bir sıra yaşayış binalarının dam örtüklərini uçurub, irigövdəli ağacları kökündən çıxarıb.

Həmçinin, elektrik dirəkləri aşıb, xətlər qırılıb.

Rayona və kəndlərə elektrik enerjisinin verilişi dayandırılıb.