Lənkəranda 19 yaşlı oğlan anasının sevgilisini bıçaqlayıb.
Oxu.Az-ın məlumatına görə, hadisə rayonun Parakənd kəndində baş verib.
Astara rayon sakini, 2007-ci il təvəllüdlü İmran Mahirli (ad və soyad şərtidir) atası dünyasını dəyişəndən sonra Lənkəran rayonuna köçüblər. Onun anası Aynur Parakənd kəndində başqa bir kişi ilə qeyri-rəsmi ər-arvad kimi yaşamağa başlayıb və İmran da onlarla bir evdə yaşamağa başlayıb.
Bir neçə ildən sonra qadınla sevgilisi arasında mübahisə yaranıb və onlar ayrılıblar. Bir müddətdən sonra kişi Aynura barışıq təklif etsə də, qadın bu təklifdən imtina edib. Səhər saatlarında İmran yuxudan səsə oyanıb və anasının həmin kişi ilə mübahisə etdiyini görüb. Mübahisə zamanı kişi Aynuru söyüb. Bunu eşidən İmran mətbəx bıçağı ilə ona baş və bədən nahiyələrinə zərbələr endirib.
Hadisə yerinə polis əməkdaşları gəliblər və İmran saxlanılıb. Faktla bağlı cinayət işi başlanılıb, iş məhkəməyə göndərilib. Məhkəmə istintaqı dövründə tərəflər arasında barışıq elan olunub və cinayət işinə xitam verilib.
