Oktyabrın 12-də Bakının Qaradağ rayonunda məktəb direktoruna məxsus avtomobilin yandırılması faktı ilə bağlı şübhəli şəxs saxlanılıb.
Oxu.Az xəbər verir ki, bu barədə Daxili İşlər Nazirliyinin (DİN) Mətbuat Xidməti məlumat yayıb.
Polis əməkdaşlarının keçirdikləri tədbirlərlə hadisəni törətməkdə şübhəli bilinən, əvvəllər məhkum olunmuş Fuad İbrahimov müəyyən edilərək həbs edilib.
Hadisə zamanı məktəb direktoruna məxsus KIA markalı avtomobil yandırılıb.
Faktla bağlı Cinayət Məcəlləsinin müvafiq maddəsi ilə cinayət işi başlanılıb. Araşdırma davam etdirilir.
Qaynar xətt:
(055) 224 12 12
