Sumqayıt şəhəri, F.Bədəlbəyli küçəsində yanğın baş verməsi barədə "112" qaynar telefon xəttinə məlumat daxil olub.
Oxu.Az-a Fövqəladə Hallar Nazirliyinin (FHN) Mətbuat Xidmətindən məlumat verilib.
Bildirilib ki, daxil olan məlumatla əlaqədar dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub:
"Beşmərtəbəli yaşayış binasının həyətində qalanan tonqaldan yaxınlıqda yerləşən ağaca yayılan yanğın söndürülüb. Yanğın nəticəsində yaşayış binasının həyətində bir ədəd şam ağacı qismən yanıb".
"Yaşayış binası və ətraf ərazilər yanğından mühafizə olunub", - deyə məlumatda vurğulanıb.
Sumqayıt şəhərində yanğın hadisəsi baş verib.
Oxu.Az xəbər verir ki, hadisə ötən gün axşam saatlarında şəhərin 9-cu mikrorayon ərazisində yerləşən 11/17 saylı binanın həyətində qeydə alınıb.
Bildirilib ki, yanğın alovun bayram tonqalından ağaca keçməsi nəticəsində baş verib. Əraziyə Fövqəladə Hallar Nazirliyinin (FHN) yanğınsöndürən briqadası cəlb olunub.
Hadisə nəticəsində xəsarət alan olmayıb.
